8:52 PM KBH ակումբի ՙԷԼԻՏ՚ լիգա | |
Ապրիլի 30-ին Վանաձորում մեկնարկեց ՈՒՀԱ-ի ՙԷԼԻՏ՚ լիգան: Այս առաջնությունը հենց առաջին իսկ շրջանից ներգրավել էր Երևանից ,Գյումրիից և Վանաձորից 11 թիմ: Փառատոնին բացման խոսքով հանդես եկավ վանաձորցիների կողմից մեծ հարգանք վայելող պատգամավորության թեկնածու Վահրամ Բաղդասարյանը, որը իր խոսքում նշեց , որ եղել է ու միշտ կմնա երիտասարդների կողքին և ուրախ է մարզում նման նախաձեռնությունների ու ծրագրերի իրականացման համար: Ի տարբերություն Երևանի և Գյումրիի թիմերի՝ Վանաձորի թիմերը առաջին անգամ էին բեմում, և շատերը նույնիսկ հաճելիորեն զարմացած էին՝ նման պատրաստվածություն տեսնելով նրանց մոտ: Մասնակից թիմերն էին` 1. ՙAP-SURD՚ ԵԹԿՊԻ Վանաձորի մասնաճյուղ 2. ՙԸՆԿԵՐՆԵՐ՚ Վանաձորի պետ. գյուղատնտեսական քոլեջ 3. ՙ ЛИКВИД ՚ ՀՊՃՀ Գյումրու մասնաճյուղ 4. ՙЛЕДНИКОВЫЙ ПЕРИУД՚ ՀՊՃՀ Վանաձորի մասնաճյուղ 5. ՙНИО՚ Վանաձորի պետ. տեխնոլոգիական քոլեջ 6. ՙ4 * 4՚ ՙՄխիթար Գոշ՚ հայ-ռուսական միջազգային համալսարան 7. ՙYEREVAN.CLAB.AM՚ Երևան 8. ՙЧЕРНЫЙ КВАДРАТ՚ Երևանի պետ. գեղարվեստի ակադեմիայի Գյումրու մասնաճյուղ 9. ՙՄԱՆԿԱՎԱՐԺՆԵՐ՚ Վանաձորի պետ. մանկավարժական ինստիտուտ 10. Երևանի պետ. կոնսերվատորիայի Գյումրու մասնաճյուղի և Երևանի պետ. մանկավարժական ինստիտուտի Գյումրու մասնաճյուղի հավաքական 11. ՙՏՂԱՄԱՐԴԻԿ՚ Վանաձորի պետ. բժշկական քոլեջ Խաղի արդյունքում նախապես հայտարարված 3 անվանակարգերից ԼԱՎԱԳՈՒՅՆ ԴԵՐԱՍԱՆԻ անվանակարգին արժանացավ ՀՊՃՀ Գյումրու մասնաճյուղի ՙЛИКВИД՚ թիմի մասնակիցը, ԼԱՎԱԳՈՒՅՆ ԴԵՐԱՍԱՆՈՒՀԻ՝ Վանաձորի պետ. մանկավարժական ինստիտուտի ՙՄԱՆԿԱՎԱՐԺՆԵՐ՚ թիմի մասնակիցը, իսկ ԼԱՎԱԳՈՒՅՆ ՄԱՆՐԱՊԱՏՈՒՄ անվանակարգում հաղթող ճանաչվեց Երևանի ՙYEREVAN.CLAB.AM՚ թիմը: Առաջնությունից դուրս մնաց Վանաձորի պետ. գյուղատնտեսական քոլեջի ՙԸՆԿԵՐՆԵՐ՚ թիմը՝ հաջորդ՝ 2008 թվականի խաղաշրջանին ավելի լավ պատրաստվելու և ներկայանալու ակնկալիքով: Միջոցառման ներկաները մոտ 2 ժամ անդադար ծիծաղից հետո խոստովանեցին, որ նման բարձրակարգ և հաճելի միջոցառում Վանաձորում վաղուց չէր եղել, և մաղթեցին հաջողություն թե՜ մասնակից թիմերին, թե՜ կազմակերպիչներին: Միջոցառումը կազմակերպել էր ՙАРМЯНСКИЙ СТАНДАРТ՚ թիմը։ Կազմակերպիչները շնորհակալություն հայտնեցին Երիտասարդական միջոցառումների կազմակերպման կենտրոնին և Հայաստանի հանրապետական կուսակցության Լոռու մարզային ու Վանաձորի տարածքային կազմակերպության երիտասարդական խորհուրդներին աջակցության համար: | |
|
Всего комментариев: 0 | |